Ahabanza Amakuru Abo turibo Amamaza Twandikire Umuryango Mail
Ibirimo
RDB Ads
BPR Ads
QQP Ads
Radio Izuba
Radio Flash
RSS Feed
Google Ads
Umuryango
igihe.com ifite Abanyamuryango
3800
. : : Iyandikishe : :
Amakuru atandukanyeHirya no hinoUtuntu n'utundiUyu munsi mu mateka

Komite nyobozi y' Umuryango IBUKA yahinduwe yose(Inkuru irambuye)


posted on Feb , 28 2011 at 07H 50min 00 sec viewed 39112 times



Kuri iki Cyumweru tariki 27 Kongere y’ Umuryango Ibuka uharanira inyungu z’ Abacitse ku icumu rya Jenoside yarateranye itora abagize komite nyobozi y’ uwo muryango bashya. Theodore Simburudari wari umaze imyaka ine ayoboye uwo muryango yasimbuwe na Dr Dusingizemungu Jean Pierre ndetse n’ abandi bari muri Komite Nyobozi bose barasimburwa.

Komite Nyobozi yatowe ku buryo bukurikira:

Perezida w’ Umuryango Ibuka: Dr Dusingizemungu Jean Pierre.
Visi Perezida wa Mbere: Nkuranga Egide,
Visi Perezida wa Kabiri yabaye Gatayire Marie Claire naho Umunyamabanga Mukuru aba Kimonyo Theophile.

Abagize amakomisiyo 5 ni aba bakurikira:

Komisiyo y’ Ubutabera:

Ngarambe Raphael,
Kayitare Dieudonne na
Kayiranga Wellars

Komisiyo y’ itangazamakuru:

Mutesa Jean Marie Vianney(Umunyamakuru kuri Contact Fm),
Kalisa Frank Emmanuel(Umunyamakuru kuri Contact Fm),
Ntamuhanga Ningi Emmanuel Umunyamakuru mu Kinyamakuru Izuba Rirashe

Komisiyo y’ Imibereho myiza:

Uwanyirigira Claudie,
Mukamusoni Dative na
Ngoga Aristarque

Komisiyo y’ Ubukungu igizwe na:

Nkuranga Jean Pierre,
Rugero Paulin na
Nsabimana Sylvain

Komisiyo yo Kubika no Gushyingura inyandiko:

Gakwenzire Philibert,
Mutanguha Freddy na
Mzee Rwasamirira Jean Damascene

Hatowe kandi Inama ngenzuzi igizwe n’ abantu batanu:

Mukarubuga Ancille,
Muhorakeye Eugenie,
Kabasinga Chantal,
Kalisa Etienne na
Ntamakemwa Remmy

Iyi komite ikahura ku Cyumweru gitaha kugirango yitoremo abayobozi(bureau).

Dr Dusingizemungu Jean Pierre uyoboye uyu muryango, yahoze ari Komiseri muri Komisiyo y’ igihugu yo kurwanya Jenoside ndetse n’ umwarimu muri Kaminuza Nkuru y’ U Rwanda I Butare.

Ubusanzwe Komite Nyobozi y’ Umuryango Ibuka yari igizwe na Perezida ariwe Simburudari Theodore, Visi Perezida wa mbere Mukankusi Immacullee, Visi Perezida wa kabiri yari Eugene Gashugi (weguye muri Kamena 2010) naho Umunyamanga Mukuru yari Mutanguha Freddy.

Ubusanzwe itegeko rivuga ko abantu barangije bashobora kongera kwiyamamaza ariko muri Komite nyobozi nta muntu n’ umwe wari usanzwemo wasubiyemo cyokora bamwe mu bari mu makomisiyo atandukanye bo bagiye basubiramo.

Ubwo twaganiraga n’ Umunyamabanga Nshingwabikorwa wa IBUKA, Forongo Janvier yagize ati: “Itegeko rivuga ko iyo umuntu abishatse yongera akiyamamaza ariko kuba batariyamamaje byaturutse ku bushake bwabo, ibo babishaka baba bariyongeje”.

Forongo yakomeje adutangariza ko iyi Komite icyuye igihe yakoze ibikorwa bitandukanye birimo gukora ubushakashatsi ku nzibutso za jenoside, gukora ubuvugizi ku itegeko rigenga inzibutso, hubatswe icyicaro cya Ibuka I Nyanza ya Kicukiro, bakoze kandi inama zitandukanye zo kurwanya jenoside, bashyize aharagara abantu bahishe Abatutsi muri jenoside, habaye ho ibikorwa byo gukurikirana imirimo y’ inkiko gacaca, bakora ubuvugizi ku kibazo cy’ imitungo y’ abana b’ imfubyi n’ ibindi bitandukanye.

Naho iyi Komite igiyeho ngo izakomeza ibyari byaratangiye gukorwa na komite icyuye igihe yibanda ku kugarura isura ya Ibuka inashyiraho gahunda zihamye, izarushaho kandi kwegera abacitse ku icumu kugera ku nzego zo hasi, gukomeza gushakisha abaterankunga mu bikorwa bitandukanye n’ ibindi.

Kongere itora iba igizwe n’ abantu 9 bo mu Kanama ngishwanama, abantu 35 bo mu nama y’ Ubutegetsi, abantu 30 bahagarariye Ibuka mu turere ndetse n’ abahagarariye Ibuka mu mirenge 35 igize Umujyi wa Kigali bose hamwe bakaba 109 ariko abatoye kuri iki cyumweru bari 85.

Kayonga J. na Ruzindana Rugasa
facebook
More Articles | >>View all news in this category
Mineduc iratungwa agatoki mu gushora amafaranga ya leta mu bikorwa bya baringa
 
U rwanda rwakiriye neza icyemezo cy’urukiko rw’arusha cyo kohereza kuburanira mu rwanda kwa uwikindi
 
Paris: agathe kanziga habyarimana yatunzwe agatoki mu kiganiro la grande traque cya france 2
 
Arusha: bwa mbere urukiko rwemeye kohereza uregwa gukora jenoside yakorewe abatutsi kuburanira mu rwanda
 
Ni iyihe mpamvu nyakuri yateye isubikwa ry’inama yo mu bwongereza yari guhuza abanyarwanda baba mu burayi?
 
Abakekwaho kugerageza kwivugana kayumba nyamwasa batangiye kugezwa imbere y’ubutabera
 
Leta zunze ubumwe z'amerika zishimiye igihano cyahawe pauline nyiramasuhuko
 
Nyabihu: inkuba yahitanye abana batatu abandi icumi barakomereka
 
Perezida wa zambia yemereye impunzi z’abanyarwanda zibyifuza guhabwa ubwenegihugu nta mananiza
 
Page:1 | | 2|
AuthorsComments
Page:1 | | 2|
by umulyte Posted 2011-04-24 02:15:18

Wowe wabajije ngo Ka wa CFM ni umu réscapé wa hehe;yacitse ku rihe cumu uwakurusha yamukubwira,uzamwibarize akora kuri cfm nk'uko wabivuze,cg uzamubaze mu nzira n'umubona,kuko na we wanditse ntitukuzi,wenda ubabazwa n'uko avuga ibyo ba so bakoze adasusumira.




 
by randykantar Posted 2011-03-03 05:52:50


@ uknown wanditse ibi:

mujye mutubwira n'amashuli abatowe bafite?ngo DR ,ni mu biki/ndanibaza nk'urugero Ntamuhanga Ningi Emmanuel amashuli afite ni ayahe?Namwumvise mu itangaza makuru ry'u rwanda kenshi.
hanyuma mujye mutubwira gahunda y'akazi yabatowe.bakora ryali?kuko bafite n'indi milimo.
Icya nyuma,IBUKA yagombye no gushyira muli gahunda zayo ibyerekeye ubumwe n'ubwiyunge bw'abanyarwanda aho kuba isoko y'ibibazo sociaux mu gihugu.


Ibi wanditse wabidusobanurira? Ese IBUKA ni isoko y'ibibazo sociaux gute? Itarabaho nta bibazo sociaux byabagaho? Iramutse ivuyeho ibyo bibazo ntibyakongera kubaho ? Wihisha urwango ufitiye uyu muryango inyuma ya analyses zidafututse. IBUKA yabayeho benshi batayishaka kandi iracyariho kandi ukubaho kwayo ntikuri mu maboko y'abayanga nkawe.Nk'uko ukubaho kw'abo ivuganira ndetse n'abandi banyarwanda benshi bayishyigikiye kutari mu maboko y'abantu nkawe.




 
by Unknown Posted 2011-03-02 02:37:45

mujye mutubwira n'amashuli abatowe bafite?ngo DR ,ni mu biki/ndanibaza nk'urugero Ntamuhanga Ningi Emmanuel amashuli afite ni ayahe?Namwumvise mu itangaza makuru ry'u rwanda kenshi.
hanyuma mujye mutubwira gahunda y'akazi yabatowe.bakora ryali?kuko bafite n'indi milimo.
Icya nyuma,IBUKA yagombye no gushyira muli gahunda zayo ibyerekeye ubumwe n'ubwiyunge bw'abanyarwanda aho kuba isoko y'ibibazo sociaux mu gihugu.




 
by Unknown Posted 2011-03-01 21:30:23

Ese KA wa Contact yacitse ku rihe cumu ?Ryari se? Uwabindusha yagira icyo ambwira.




 
by habanabashaka Posted 2011-03-01 10:27:19

Thank's wowe unsobanuriye umuhezanguni ndumva ari ikijambo kibi kigomba no kugendana nabanyiracyo.




 
by kabagerand Posted 2011-03-01 09:51:25

@ bukinanyana: Niba IBUKA ntacyo ikumariye abandi benshi irakibamariye.




 
by anonymous Posted 2011-03-01 09:30:51

Kuri"bukinanyana",ngo Ibuka ntacyo imumariye.Ahubwo se wowe uyimariye iki? Byari kuba byiza iyo ubanza ukabaza icyo Umuryango IBUKA ugamije,yenda niho warikumva kurushaho icyo Ibuka yakumarira nicyo nawe wayimarira.




 
by Unknown Posted 2011-03-01 09:15:18

Dr. Jean Pierre DUSINGIZEMUNGU, Imana iguhe ubwenge , ubushishozi n’ubushobozi nk'ubwo yahaye Umwami Salomon, maze Ibuka uyigeze ku nshingano yihaye arizo z'izi:
1.Perpetuer la memoire des victimes du genocide perpetre contre les Tutsi au Rwanda.
2. Honorer la memoire de toutes les personnes assassinees pour s'etre opposees a ce genocide.
3. Assister et defendre les rescapes de ce genocide.
4. Appuyer toute initiative visant a retrouver et a juger les responsables de ce genocide.
5. Lutter constamment contre la banalisation, le negationnisme et le revisionnisme de ce genocide.
Source : IBUKA Memoire




 
by openspace Posted 2011-03-01 08:23:32

Bantu muri kuri uru rubuga, ni byiza kugira no gutanga ibitekerezo bitandukanye ariko kuvuga umuntu mu izina ukanavuga ko uwo muntu ''nta leadership afite...'', ukabivuga utyo gusa nta kimenyetso na kimwe utanze ntibyubaka na gato n'iyo umuntu yaba abikoze agamije ikintu kizima.Mwibuke kandi ko hari benshi cyane batifuriza IBUKA amahoro( na zimwe muri comments ziri hano zirabigaragaza), abayikunda rero mugomba gushyira hamwe ndetse n'iyo ibitekerezo byanyu byaba bitandukanye bikagira uburyo bitangwamo bwubaka bitari uguterana amagambo mu bitangazamakuru. Ibi nimutabyitaho muzaba mutiza umurindi abadashaka ko IBUKA ibaho kandi ngo itere imbere( n'iyo mwaba muzi ko mukora neza)kandi muzi ko ari benshi bihagije.




 
by emugira Posted 2011-03-01 06:53:56


Nagirango ngire icyo mvuga kuri comments zashyizwe kuri uru rubuga n'uwiyita: Mutimutangabagabo, aho avuga ngo umuryango Ibuka uharanira cause iri intemporel ngo izahererekanywa de generation en generation. Agakomeza agira ati: Cause ya leta cyangwa se FPR iba ari temporel, ikibazo cy'ingenzi kiba ari ugutegura amatora y'ubutaha no kugumana ubutegetsi.Noneho akarangiza yibaza ikibazo kivuga ngo: Ese bibayeho ko umuntu yisanga ari Ministri muri leta ya FPR akaba na Perezida wa IBUKA, inyungu yashyira imbere ni izihe?
1. Nagirango mbwire Mutimutangabago ko hari ikintu ikintu FPR na IBUKA bihuriyeho. Icyo ni yise cause " intemporelle" yo kurwanya genodice n ingengabitekerezo yayo ubuziraherezo.
Na mbere y'uko Ibuka ivuka, kuko yavutse nyuma y'uko FPR ihagaritse Genocide, FPR yo yari ifite muri gahunda no mu ubushake, kurwanya genocide n ingengabitekerezo yayo ku buryo bw'ubuziraherezo.

2. Ndemza rero icyerekezo cya FPR kijyanye no kurwanya genocide n ingengabitekerezo yayo atari temporel, ni intemporel nkuko Mutima utangabagabo yabyise ni icyerekezo cy ubuziraherezo.

3. Cause ya FPR cyangwa ya leta y u Rwanda mu byo bakora si ibintu biri temporel gusa. Hari ibikorwa bikorwa bikarangira mu gihe gito kubero imiterere yabo. Ibyo birakorwa bikarangira. Ariko hari ibikorwa byinshi by ‘igihe kirekire mbona FPR ikora birimo kurwanya geoside n ingengabitekerezo.
4. Hari n’izindi gahunda ndetse jye nkaba mpamya n’amatora Mutimbutangabagabo yavuze si igikorwa cy’igihe kigufi. Ni igikorwa hamwe n’ibindi bijyana nacyo bitegura ighe kirekire cy’ejo hazaza. Si mbona ko ari n’ikigamije gutuma FPR iguma ku butegetsi kuko hari abari muri ubwo butgetsi batari aba FPR.
5. Arongera ati rero ese umuntu ari Perezida wa Ibuka akaba na Minisitiri wa FPR yashyira imbere ni izihe nyungu. Igisubizo: Nta hantu na hamwe inyungu za Ibuka zibangamira iza FPR gato, kandi iyi mirimo yombi wayikora ntibangamirane ikarushaho no gutanga umusaruro.Inshingano za Leta cyangwa FPR ni inshingano ngari zikaba zinakubiyemo zimwe mu nshingano z'imiryango myinshi itegamiye kuri Leta na Ibuka irimo.
Jyewe mfite ingero z'abantu bari mu myanya ikomeye muri Leta, bari mu bashinze Ibuka bakinashyigikira ibikorwa byayo kandi bakarangiza n izindi nshingano za Leta cyangwa FPR.
6. Mu gusoza gusa nagirango nshimangire kandi mbwire Mutimutangabagabo ko umuntu ashobora kuzuza inshingano za organizations ebyiri zitandukanye kandi izo nshingano zikuzuzwa neza.
Impamvu mvuze ibi ni uko hari abantu bagira muri kamere yabo "polarizing mind" ukuvuga ngo iki kintu na kiriya bimeze nk ibiteganye bitazahura. Batekereza nka Kayibanda wigeze kuvuga ngo: Abahutu n'abatutsi ni ubwoko (races) butaziranye ngo bumeze nk ububa kuri planete ebyiri zitandukanye.
Umuntu ashobora kurangiza inshingano za imiryango ibiri itandukanyije inshingano ahubwo akanziheraho agacrea ubwuzuzanye bwazo zose zigatera imbere kandi ntagaragaze kubogama, bityo uruhande uru n uru ntirubangamirwe.
Ndemeza rero ko umuntu ari Perezida wa Ibuka akaba na Minisitiri wa FPR yashobora gushyira imbere inyungu z’iyi miryango yombi zose zikagerwaho uko bikwiye




 
by Unknown Posted 2011-03-01 05:49:59

IBIBAZO BY'AMASAMBU Y'IMFUBYI BIRACYARI BYOSE. MURI KAYONZA




 
by bukinanyana Posted 2011-03-01 04:48:11

ibuka jye ntacyo imariye




 
by Unknown Posted 2011-03-01 03:42:23

Twiyubahe banyarubuga..buri wese afite uburyo abona ibintu kandi wowe vgahutu urimo kuziza ubusa matwi..ndabona ibyo yavuze ari ukuri kwe nawe ufite ukwawe nawe wemera..UKURI' kuri hagati wimwibasira ngo afite ibivumvuri mu matwi kuko ibyo ukoze ni nko gusiba ikizinga utobora umwenda..Tujye twumva nabandi babona ibintu ku buryo butandukanye natwe..kandi nyamara byadufasha.Ntugakoreshwe numujinya ibyo ni ibiranga abantu immature nabasazi..




 
by Unknown Posted 2011-03-01 03:15:04

None se umuntu ashobora kuba umunyamuryango wa Ibuka atari umurescape?




 
by nzungize Posted 2011-03-01 03:08:19

aba bose batowe ntacyo bamaze




 
by ndezeb Posted 2011-03-01 02:29:26

GATAYIRE félicitation cyane urabikwiriye.Imana ibafashe mwese mutobore ibuka neza!




 
by mutimutangababo Posted 2011-03-01 02:25:00

Ese iyo uri umunyamuryango wa FPR ukanaba n'umurescape wa Genocide yakorewe abatutsi mu Rwanda muri 1994, ubyitwaramo gute iyo inyungu za FPR zibaye en conflict nizabarescapes? ushyira imbere iza FPR cyangwa izabarescapes?




 
by mutimutangababo Posted 2011-03-01 02:04:08

IBUKA ni umuryango uharanira cause iri intemporel. ni cause izahererekanywa de generation en generation, ibyo ni inshingano kandi ninuburenganzira nkuko abarescapes ba holocaust na armenian genocide, conscience yabo ishingiye ku mateka baciyemo. Cause ya leta cyangwa se FPR iba ari temporel, ikibazo cy'ingenzi kiba ari ugutegura amatora y'ubutaha no kugumana ubutegetsi. Ese bibayeho ko umuntu yisanga ari Ministri muri leta ya FPR akaba na Perezida wa IBUKA, inyungu yashyira imbere ni izihe?




 
by Unknown Posted 2011-03-01 00:16:07

Ngusobanurire wowe ubaza ngo abahezanguni niki: Umuhezanguni biva kw'ijambo ryo muzindi ndimi nko mu gifaransa "extremistes" cg icyongereza "Extremistes" Extreme rero muri izi ndimi bivuga impera cg inguni Extremistes rero bikaba bivuga "Umuhezanguni" ubwo naho byavuye lol....




 
by uwacrespo Posted 2011-02-28 13:59:21

Harya ubu umwana jenocide yabaye avutse ubu yaba afite imyaka ingahe? munyibutse di! none se ibuka izarangira ryari? ko farg itagikatwa ku mishahara kubera yashyizwe ku ngingo y'imari, nta kuntu ibuka yagabanyirizwa akazi ko n'ubundi ari ikigo cya leta. nyamara mushatse mwatangira gukora ibyo abanyarda bose bibonamo. naho ibyo kubiba ivangura birasenya city tower nigaramiye ishyanga mbarebera!




 
by Unknown Posted 2011-02-28 13:22:48

change is a fact of life, if you are against change change will change you! no single entity
will remain static




 
by habanabashaka Posted 2011-02-28 11:48:48

Ariko se basomyi ndifuza ko mumpa definition y'abahezanguni icyo bisobanura kuko iri jambo nkunda kuribona nkayoberwa icyo bivuga.
Kubyabatowe rero inshingano zabo ni ugukorera neza ababagiriye ikizere naho ibindi ni amatuku turayamenyereye
Murakoze




 
by kurwanda Posted 2011-02-28 11:05:16

ngahorero bantu mwatowe, nimwongere mutekereze ku nshingano zumuryango ndetse mwiyongereremo nizindi mukurikije aho igihugu kigeze kiyubaka, mureke amatiku, mwikuremo inzangano no guhangana nabo mutabashije guhuza ibitekerezo ahubwo mutahirize umugozi umwe mugushaka icyagirira abanyanarwanda bose akamaro, cyane cyane abo mwemeye guhagararira, mwese muri abantu basobanutse,ngaho namwe nimubitugaragarize tubone impinduka, definition y'amaraso mashya imenyekane,reka natwe tubitege amaso. ahaaaa dere aho nibereye, mana inyihere kubaho no kuramba nanjye nzarebe koko ko imvugo ariyo ngiro kuri bose.akazi keza rero. sinajyenda ntashimiye Muzehe SIMBURUDARI Kukazi katoroshye yakoze, nimpinduka zabaho nzima kandi,ni we zaba ziturutseho. bravo a vous tous les rescapes du genocide.




 
by Unknown Posted 2011-02-28 10:39:06


Dr. Dusingizemungu Jean Pierre ni umugabo w'inyangamugayo kandi w'umunyabwenge. Abamutoye bagize ubushishozi bwinshi. Ntameze nka ba banyamatiku bawutaye birirwa batarira inzangano muri bene kanyarwanda!




 
by Unknown Posted 2011-02-28 10:11:15

NDATUMIRA ABARI MURI AERG KIST-KHI 2008(PROMOTION)especilly abari muri santé mentale i ndera ko twazahura le01/07/2011 tukaganira tukareba nicyo twakora kugirango dutange inkunga yacu yo gushyigikira umuryango




 
:) :D ;) :p
:lol: :euh: :( :o
:colere2: o_O ^^ :-째
Email Adress :
Place your comment here:
(Maximum characters: 1000)
You have characters left.
Choose your avatar:
Copyright © 2009 - 2010 - IGIHE Ltd - All Rights Reserved
Ibyerekeye iyubahirizwa ry’ubuzima bwite (Privacy policy) | Uburyo bw'imikoreshereze (Terms of use)
Our blog : http://igiheltd.blogspot.com